Premjer-ministr Ukrainy zajaviŭ pra svaju adstaŭku
Premjer-ministr Ukrainy Dzianis Šmyhal abviaściŭ pra svaju adstaŭku. Heta stała pieršym aficyjnym krokam u ramkach maštabnych źmienaŭ va ŭradzie, jakija inicyjavaŭ prezident Uładzimir Zialenski. Užo ŭ sieradu Viarchoŭnaja Rada pavinna prahałasavać za adstaŭku ŭrada Šmyhala.
Dzianis Šmyhal. Fota: UNIAN
Raniej Uładzimir Zialenski prapanavaŭ na pasadu novaha premjera 39-hadovuju Juliju Śvirydzienka, jakaja ciapier źjaŭlajecca vice-premjerkaj i ministarkaj ekanomiki. Jana viadomaja jak adna z hałoŭnych pieramoŭnic pa supracoŭnictvie z Zachadam, asabliva ŭ pytańniach abarony, ekanamičnaha adnaŭleńnia i handlu minieralnymi resursami z ZŠA.
Zajava Dzianisa Šmyhala ab adstaŭcy
Pakolki praprezidenckaja partyja «Słuha naroda» maje ŭ parłamiencie bolšaść, nijakich niečakanaściaŭ pry pryznačeńni Śvirydzienki nie čakajecca.
Čakajecca taksama, što Zialenski pryznačyć Dzianisa Šmyhala ministram abarony zamiest Rustema Umierava — jon sam učora kazaŭ, što jon dobraja kandydatura na hetu pasadu. U svaju čarhu, Umieraŭ moža stać novym pasłom Ukrainy ŭ ZŠA, pakolki raniej Zialenski kazaŭ pra namier zamianić ciapierašniuju ambasadarku Aksanu Markaravu.
Rustem Umieraŭ zaniaŭ pasadu ministra abarony ŭ 2023 hodzie paśla šerahu karupcyjnych skandałaŭ u viedamstvie. Jon sprabavaŭ pravieści reformy, ale jaho krytykavali za niedastatkovuju efiektyŭnaść i prablemy z kiravańniem.
Čytajcie taksama:
«Jula — nie pra hrošy». Urad Ukrainy ŭznačalić žančyna
Zialenski prapanavaŭ uznačalić urad Ukrainy Julii Śvirydzienka
Zialenski źbirajecca pamianiać premjera i ministra abarony
Załužny i Zialenski zastajucca šalona papularnymi va Ukrainie