Mužčyna nadrukavaŭ rasijski pašpart na drukarcy i pasprabavaŭ adlacieć ź Minska ŭ Stambuł
Pamiežniki padvoch zaŭvažyli i zatrymali zamiežnika.
Skrynšot videa Pamiežnaha kamiteta
Ranicaj 15 lipienia ŭ aeraporcie «Minsk» zatrymali mužčynu z rasijskim pašpartam. Jon źbiraŭsia vylecieć u Stambuł.
Pašpart vyklikaŭ u pamiežnikaŭ sumnievy. Paśla pravierki akazałasia, što dakumient mužčyna całkam nadrukavaŭ na zvyčajnaj drukarcy.
Akramia taho, stała viadoma, što inšaziemiec nie vypadkova sprabavaŭ vylecieć u Turcyju pa padroblenym pašparcie: jon znachodzicca ŭ miždziaržaŭnym vyšuku za kradziež i daču chabaru. Mužčynu zatrymali i adpravili ŭ izalatar.
Za sprobu niezakonnaha pierasiačeńnia miažy parušalniku pahražaje štraf da 100 bazavych vieličyń, to-bok da 4200 rubloŭ. Akramia taho, za padrobku dakumienta praduhledžanaja kryminalnaja adkaznaść — abmiežavańnie svabody na termin da dvuch hadoŭ.