Aŭtobus Varšava — Minsk budzie adpraŭlacca z čatyrochhadzinnym spaźnieńniem, Vilnia — Minsk — ź piacihadzinnym
Pryčyna — doŭhaje prachodžańnie miažy.
«U suviazi z doŭhim prachodžańniem miežaŭ aŭtobus Varšava—Minsk (AN 8587-7) z časam adpraŭleńnia z Varšavy 12:00 17.07.2025 pieranosicca na 16:30. U pieršuju čarhu pasadka budzie dla pasažyraŭ ź biletami na 12:00, zatym pry najaŭnaści volnych miescaŭ — dla pasažyraŭ ź biletami na 16:30», — paviedamlaje telehram-kanał «Minsktrans. Mižnarodnyja maršruty».
Aŭtobus pa maršrucie Vilnia — Minsk (AN 8621) z časam adpraŭleńnia ź Vilni a 8:00 tolki a 12-j vyjechaŭ ź litoŭskaj miažy. Adpraŭleńnie čakajecca ŭ 13:20—13:00.
Pa stanie na 12:00 na polskaj miažy na pierachodzie «Brest» stajali 455 lehkavych aŭtmabilaŭ i 30 aŭtobusaŭ, na litoŭskaj miažy ŭ «Kamiennym Łohu» 40 lehkavych aŭtamabilaŭ: u «Bieniakoniach» — 20. Pamiežny kamitet paviedamlaje, što čerhaŭ z aŭtobusaŭ tam niama.