Palitviazień zrabiŭ sełfi prosta ŭ kamiery SIZA na Vaładarskaha
Hramadzianin Łatvii Dźmitryj Michajłaŭ, vyzvaleny 21 červienia, zdoleŭ zrabić fota prosta ŭ kamiery SIZA.
Dźmitryj apublikavaŭ jaho ŭ instahramie. Zdymak zrobleny ŭ lipieni 2022 hoda.
U SIZA i kałonii viaźniam zabaroniena pranosić telefony, tamu hety zdymak sapraŭdnaja redkaść. Dziaržaŭnyja telekanały časam, kaniečnie, naviedvajuć hetyja ŭstanovy, ale pakazvajuć u kadry prycharošanuju karcinku.
Na fota, vykładzienym Dźmitryjem, bačny trochiarusnyja łožki, kuča mietaličnych kubkaŭ, televizar.
«Usie razumieli, što sami mianty i dali hety telefon u kamieru — ale nam to što!!! Hałoŭnaje mahli ŭbačyć i pačuć rodnych! Kazka doŭžyłasia paru miesiacaŭ!» — napisaŭ Dźmitryj.
Dźmitryj Michajłaŭ mieŭ kramu ŭ Minsku. Jaho zatrymali 1 sakavika 2022 hoda i paśla asudzili za kamientary ŭ internecie, u źniavoleńni mužčyna pravioŭ try hady. Byŭ vyzvaleny 21 červienia 2025 hoda razam ź jašče 13 palitviaźniami ŭ vyniku vizitu śpiecpasłańnika administracyi prezidenta ZŠA Donalda Trampa Kita Kiełaha.