Novy celułozna-kardonny kambinat buduć budavać u Dubrovienskim rajonie
U Biełarusi płanujecca pabudavać novy celułozna-kardonny kambinat ciaham najbližejšych piaci hadoŭ. Pra heta paviedamiŭ ministr lasnoj haspadarki Alaksandr Kulik padčas pracoŭnaj pajezdki ŭ Mahiloŭ, paviedamlaje BiełTA.
Fota ilustracyjnaje
Pavodle słoŭ Alaksandra Kulika, u krainie nazirajecca lišak nizkajakasnaj draŭniny, jakuju treba vykarystoŭvać. Tamu razhladajecca mahčymaść stvareńnia jašče adnaho bujnoha pradpryjemstva pa pierapracoŭcy draŭniny. Urad užo praktyčna vyznačyŭ placoŭku pad budaŭnictva.
Asnoŭnym miescam dla novaha kambinata vybrany Dubrovienski rajon Viciebskaj vobłaści. Taki vybar tłumačycca najaŭnaściu tam resursaŭ, što ciapier amal nie vykarystoŭvajucca. Varyjanty z Mahiloŭskaj i Homielskaj vobłaściami adchilili — u apošniaj užo jość niekalki padobnych pradpryjemstvaŭ.
Novy kambinat, zhodna z raniejšymi płanami, budzie pabudavany pa kitajskich technałohijach i zmoža vypuskać kala 400—500 tysiač ton pradukcyi ŭ hod. Raniej paviedamlałasia, što partniorami ź biełaruskaha boku mohuć vystupić kitajskija kampanii Sinomach i Čžunkajskaja mižnarodnaja inžyniernaja kampanija.
Čytajcie taksama:
U Biełarusi sabralisia budavać jašče adzin celułozna-kardonny kambinat
Vynieśli prysud vinavatamu ŭ vybuchu na Śvietłahorskim CKK
Śvietłahorski kambinat ładzić u siabie sistemu abarony ad dronaŭ za 700 tysiač rubloŭ