Niekatorym sioletnim pieršakurśnikam BDU vypłacić pa 420 rubloŭ tolki za toje, što pastupili
Materyjalnaja dapamoha BDU ŭ pamiery 10 bazavych vieličyń pryznačanaja dla studentaŭ čatyroch fakultetaŭ: fizičnaha, miechanika-matematyčnaha, chimičnaha i bijałahičnaha. Havorka idzie pra tyja śpiecyjalnaści, jakija majuć piedahahičny profil u halinie pryrodaznaŭčych navuk, paviedamiła pres-słužba ŭniviersiteta.
Fizičny fakultet BDU
Univiersitet pryniaŭ takoje rašeńnie, kab zaachvocić moładź vybirać piedahahičnuju prafiesiju i pašyryć mahčymaści budučych nastaŭnikaŭ.
Anansavanuju dapamohu vypłaciać na praciahu pieršaha hoda navučańnia, ale jana razavaja, a nie štomiesiačnaja. Inšaharodnija studenty taksama mohuć raźličvać na miesca ŭ internacie na ŭvieś pieryjad vučoby.
17 lipienia u biełaruskich VNU zaviaršyŭsia pryjom dakumientaŭ na biudžet. Pryjomnyja kamisii aficyjna zakrylisia ŭ 18:00. Pryjom na płatnaje adździaleńnie budzie praciahvacca da 3 žniŭnia.
Čytajcie taksama:
Tolki adzin vypusknik zdavaŭ centralizavany ekzamien pa hetym pradmiecie