Źniali zabaronu na kamandnyja vystupleńni biełaruskich himnastaŭ i akrabataŭ
Mižnarodnaja fiederacyja himnastyki (FIG) dazvoliła biełaruskim spartsmienam vystupać nie tolki ŭ indyvidualnych, ale i ŭ hrupavych i kamandnych mižnarodnych spabornictvach.
Dvuchrazovy alimpijski čempijon u skačkach na batucie Ivan Litvinovič
Ciapier, naprykład, u skačkach na batucie biełarusy zmohuć pretendavać na miedali ŭ sinchronnych i źmiešanych sinchronnych skačkach. Heta asabliva dla ich važna napiaredadni čempijanatu śvietu, jaki projdzie ŭ ispanskaj Pampłonie ŭ listapadzie.
Hałoŭnaja trenierka zbornaj Biełarusi pa spartyŭnaj akrabatycy Anžeła Janusik adznačyła, što viartańnie na mižnarodnuju scenu vyklikała ŭ spartsmienaŭ i trenieraŭ mocnyja emocyi i radaść, bo jany doŭha hetaha čakali.
Raniej FIG dazvalała biełaruskim i rasijskim spartsmienam vystupać tolki ŭ indyvidualnym niejtralnym statusie. U listapadzie 2023 hoda byli ŭviedzienyja praviły dopusku biełaruskich i rasijskich atletaŭ da spabornictvaŭ pad ehidaj FIG.
Mižnarodnaja fiederacyja himnastyki ŭklučaje ŭ siabie siem vidaŭ himnastyki: mužčynskuju i žanočuju spartyŭnuju himnastyku, mastackuju himnastyku, spartyŭnuju aerobiku, spartyŭnuju akrabatyku, skački na batucie i parkur.
Čytajcie taksama:
Da čempijanatu śvietu pa fiechtavańni dapuścili navat «niejtralnych» rasijskich aficeraŭ