8000 jeŭra Siarhieju Cichanoŭskamu sabrali za pałovu dnia
Siarhiej abviaściŭ zbor učora, jon prasiŭ hrošy na miedycynskija vydatki.
«Pryvitańnie, siabry. Majo imia — Siarhiej Cichanoŭski. Mnie niaprosta prasić ab dapamozie, ale pryjšła i maja čarha. Siońnia ja źviartajusia da vas pa padtrymku, jak i dziasiatki inšych biełarusaŭ, jakija pieražyli represii. Maja žonka — lidarka demakratyčnych sił, ale heta nie aznačaje, što za majoj śpinaj nieabmiežavanyja resursy, a maje prablemy sa zdaroŭjem vyrašajucca aŭtamatyčna. Majo adnaŭleńnie — vyklik dla mianie, jak i dla kožnaha, chto prajšoŭ praz turmu. Ja vyjšaŭ z padarvanym zdaroŭjem. I zaraz maja hałoŭnaja zadača — adnavicca, kab praciahvać paŭnavartasna žyć, pracavać i zmahacca. Ja chaču papravić zdaroŭje, viarnuć svaju siłu i praciahvać być karysnym. Dla svajoj siamji, dla Biełarusi, dla vas», — kazaŭ Siarhiej.
Płanujecca, što €2500 pojdzie na poŭnaje miedycynskaje abśledavańnie, €4500 — stamatałohija i pratezavańnie, €1000 — karekcyja zroku.
Płanka ŭ 8000 jeŭra była pierakročana ŭčora pozna ŭviečary. Zaraz sabrana 8650 jeŭra.
Zbor praciahvajecca. Padtrymać Siarhieja praz Bajsoł.