U rasijskim horadzie chłopiec z dvuma nažami ŭžo 16 hadzin staić na karnizie vośmaha paviercha
24-hadovy chłopiec trymaje ŭ rukach dva nažy i nie padpuskaje da siabie nikoha. Ni ratavalniki, ni baćki, ni brat nie mohuć uhavaryć jaho viarnucca ŭ kvateru.
24-hadovy chłopiec trymaje ŭ rukach dva nažy i nie padpuskaje da siabie nikoha. Ni ratavalniki, ni baćki, ni brat nie mohuć uhavaryć jaho viarnucca ŭ kvateru. MNS-niki dziažurać pad voknami z samaj učorašniaj ranicy, ale ŭsio biezvynikova.
Historyja pačałasia z taho, što baćki vyrašyli vyvieźci chłopca z Obninska (Kałužskaja vobłaść). Jon uciok prosta z aeraporta, dabraŭsia da domu na vulicy Enhielsa, dzie zdymaŭ žyllo, i vylez na karniz.
Pavodle adnoj ź viersij, jon admaŭlajecca źjazdžać z-za dziaŭčyny — miarkujecca, što ŭ kahocci zakachaŭsia. U horadzie, darečy, zaleva. Ale chłopiec usio roŭna nie złazić z padakońnika.