Zialenski: Treci raŭnd pieramoŭ z Rasijaj maje adbycca ŭ sieradu
Prezident Ukrainy Uładzimir Zialenski paviedamiŭ u viačernim videazvarocie, što treci raŭnd pieramoŭ pamiž Ukrainaj i Rasijaj pavinien adbycca ŭ Stambule 23 lipienia.
Uładzimir Zialenski. Fota: Jonathan Raa NurPhoto via Getty Images
Pavodle słoŭ Zialenskaha, jon abmierkavaŭ padrychtoŭku da hetych pieramoŭ z sakratarom Rady nacyjanalnaj biaśpieki i abarony Ukrainy Rustemam Umieravym. Umieraŭ paviedamiŭ, što sustreča zapłanavanaja na sieradu.
U toj ža čas, zhodna z krynicaj rasijskaha dziaržaŭnaha infarmahienctva TASS, sustreča moža adbycca nie 23, a 24 lipienia.
Padčas pieramoŭ ukrainski bok maje namier zakranuć try hałoŭnyja temy: viartańnie pałonnych, viartańnie vykradzienych Rasijaj dziaciej i padrychtoŭku da mahčymaj sustrečy lidaraŭ dźviuch krain.
Dva papiarednija raŭndy pieramoŭ prajšli ŭ Stambule 16 maja i 2 červienia. Tady baki abmiarkoŭvali ŭmovy spynieńnia ahniu i damovilisia pra najbujniejšy z pačatku vajny abmien pałonnymi i ciełami zahinułych vajskoŭcaŭ.
Čytajcie taksama:
Treci raŭnd pieramovaŭ Ukrainy i Rasii moža prajści na hetym tydni
Ukraina prapanavała Rasii sustrecca delehacyjami na nastupnym tydni
Rasija čakaje, što Ukraina prapanuje datu nastupnaha raŭndu pieramovaŭ
Tramp zajaviŭ, što padčas čarhovaj razmovy z Pucinym nie dabiŭsia nijakaha prahresu pa Ukrainie