Pad Homielem žančyna zaviała karoŭ prosta ŭ dvary pamiž šmatkvaternymi damami
Žycharka Homielskaha rajona ŭładkavała karoŭnik prosta ŭ dvary pamiž šmatkvaternymi damami. Žyvioł daviałosia pierasialać pad kantrolem sudovych vykanaŭcaŭ.
Ilustracyjnaje fota
Hetaja historyja adbyłasia ŭ pasiołku Balšavik. Tam žančyna trymała siem karoŭ i byka ŭ dvary pamiž šmatkvaternymi žyłymi damami.
Žyvioły tulilisia ŭ starym chlavie, jaki byŭ pabudavany samavolna. Zimoj žyvioły pakutavali ad choładu i antysanitaryi ŭ ciesnym pamiaškańni: tut adsutničali sałamianaja padściłka, paŭnavartasnaje charčavańnie i vyhuł na śviežym pavietry. Uletku bydła stajała pa kalena ŭ brudzie.
U niejki momant susiedziam heta nadakučyła, i jany paskardzilisia ŭ vykankam na pach i šmatlikija parušeńni, adnak haspadynia praihnaravała atrymanyja pradpisańni.
U vyniku sprava dajšła da suda, jaki pastanaviŭ vykupić mini-fiermu i pieradać žyvioł prafiesijnaj haspadarcy. Žyvioł evakujavali na novaje miesca žycharstva, a chlavy płanujuć źnieści.