U Biełarusi buduć stvarać ułasnuju parodu koz
Biełaruskija navukoŭcy majuć namier stvaryć ułasnuju parodu koz, prystasavanuju da miascovaha klimatu i zachvorvańniaŭ. Pra heta paviedamiła Natalla Sonič ź Ministerstva sielskaj haspadarki ŭ prahramie BiełTA.
Ciapier u navukovaj ustanovie «ŽodzinaAhraPlemElita» ŭžo stvarajecca nievialikaja fierma dla raźviadzieńnia koz, i płanujecca nabyć plemianny statak dla pačatku sielekcyjnaj pracy.
U Biełarusi trymajecca kala 48 tysiač koz, pryčym bolšaja častka (93%) znachodzicca ŭ pryvatnych haspadarkach, jašče 2% — u fiermierskich, i tolki 5% — u sielhaspradpryjemstvach. Mienavita hety siektar płanujecca raźvivać dalej.
Jość prykłady vysokapraduktyŭnych koz — naprykład, u mahiloŭskaj haspadarcy asobnyja žyvioły dajuć da 5,8 litra małaka ŭ dzień. Heta śviedčyć pra toje, što kozy mohuć być bolš efiektyŭnymi ŭ vytvorčaści małaka, čym karovy ź nizkaj pradukcyjnaściu.
Čytajcie taksama:
Adzinaj biełaruskaj parodzie koniej pahražaje źniknieńnie