Niezvyčajny napoj pradstavili na vystavie «Biełahra».
Akademija navuk prezientavała małočnuju harełku. Napoj raspracavali ŭ Navukova-praktyčnym centry pa charčavańni.
Aŭtary nazvali takuju harełku inavacyjnym praduktam na asnovie dystylatu z małočnaj syrovatki. Dla jaje vytvorčaści małočnuju syrovatku z vysokim utrymańniem łaktozy zakvašvajuć peŭnymi kulturami droždžaŭ, a potym pierahaniajuć, paviedamlajuć «Minsk-Naviny».
Harełka maje śpiecyfičny małočny vodar i 36% macunku
Inšy ekśpierymientalny ŭzor ad centra — niefiltravanaje śvietłaje piva (4,5% ab.), zvaranaje z azimaha jačmieniu.
«Azimy jačmień bolš ekstraktyŭny, u im bolš białku ŭ paraŭnańni ź jaravymi hatunkami. Heta pierśpiektyŭny napramak, ale pakul my pracujem tolki z dvuma hatunkami biełaruskaj sielekcyi», — raspaviali aŭtary raspracoŭki.
Pradstaviŭ NPC i karysnuju navinku dla dziaciej: suchija śniadanki biez cukru. Heta chrustkija multyziarnovyja šaryki z nasieńniem lonu, hłaziravanyja jabłyčnym sokam.
Inšyja karysnyja raspracoŭki zmohuć pa vartaści acanić i darosłyja: niektar z čarnicaŭ, tamatny sok pramoha adcisku nie tolki smačnyja, ale i karysnyja.
Kamientary