Rasija i Ukraina zaviaršyli pieramovy ŭ Stambule. Jany išli kala 40 chvilin
Pra zaviaršeńnie čarhovaha raŭnda pieramoŭ pamiž ukrainskaj i rasijskaj delehacyjami ŭ Stambule paviedamiła TASS.
Ukrainskuju delehacyju, jak i padčas papiaredniaha raŭndu, uznačalvaŭ Rustem Umieraŭ, a rasijskuju — Uładzimir Miadzinski.
U pačatku sustrečy kiraŭnik tureckaha MZS Chakan Fidan zajaviŭ, što kančatkovaja meta pieramoŭ — spynieńnie ahniu. Pavodle jaho słoŭ, Turcyja raźličvaje na ich pośpiech. Taksama Fidan padziakavaŭ Uładzimiru Pucinu, Uładzimiru Zialenskamu i Donaldu Trampu za namahańni ŭ arhanizacyi pieramoŭ.
Paśla jaho ŭstupnaha słova sustreča išła ŭ zakrytym režymie, ale praciahnułasia zusim niadoŭha — usiaho kala 40 chvilin. Pra ich vyniki pakul aficyjna nie paviedamlajecca, ale TASS śćviardžaje, što baki nibyta znoŭ damovilisia pra abmieny pałonnymi.
Krynica rasijskaha ahienctva «RIA Novosti» śćviardžaje, što z vysokaj dolaj vierahodnaści pieramovy ŭ čaćvier nie praciahnucca.
Čytajcie taksama:
Ukrainskuju delehacyju na pieramovach u Stambule ŭznačalić Rustem Umieraŭ
Zialenski: Treci raŭnd pieramoŭ z Rasijaj maje adbycca ŭ sieradu
Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie