Dva małyja braty atrymali mocnyja apioki pry raspalvańni łaźni
23 lipienia ŭ vioscy Navasiołki Vałožynskaha dva chłopčyki (14 i 6 hadoŭ) atrymali apioki roznaj stupieni ciažkaści z-za nieaściarožnaha abychodžańnia ź bienzinam pry raspalvańni piečy ŭ łaźni, paviedamlaje SK.
Starejšy brat, dapamahajučy babuli, vyrašyŭ paskoryć praces hareńnia, pluchnuŭšy bienzin u pieč, što pryviało da ŭspyški vadkaści ŭ jaho rukach.
Spałochaŭšysia, padletak adkinuŭ butelku, trapiŭšy bienzinam na małodšaha brata, u jakoha zaharelisia śpina i hałava. Sprabujučy patušyć ahoń, starejšy chłopčyk atrymaŭ apioki.
Vidavočcam niaščasnaha vypadku stała ich siastra. Jana i paklikała babulu, jakaja źbiła połymia, a taksama vyklikała chutkuju.
Zaraz dzieci znachodziacca ŭ balnicy: 6-hadovy chłopčyk atrymaŭ apioki 24% cieła, a 14-hadovy — 15%.