Ceny na nieruchomaść rastuć šalonymi tempami
Za hod siaredni košt kvadratnaha mietra ŭ Minsku pavialičyŭsia bolš čym na 500 dalaraŭ.
Ilustracyjny zdymak. Fota: ŽK «Minsk-Śviet»
Pavodle apošnich danych partała Realt.by, siaredni košt prapanovy mietra žytła ŭ Minsku dasiahnuŭ $1925. Hod tamu, u lipieni 2024 hoda, jon składaŭ $1406.
Atrymlivajecca, što za hod mietr u stalicy dadaŭ bolš za 500 dalaraŭ.
Infahrafika: Realt.by
Dla paraŭnańnia: z červienia 2023 pa červień 2024‑ha mietr u Minsku padaražeŭ usiaho na 50 dalaraŭ — z 1360 da 1406 dalaraŭ.
Admietna, što ŭ apošnija miesiacy rost tolki paskoryŭsia. Kali 18 maja košt mietra pa prapanovach składaŭ $1810, to ŭsiaho praz dva miesiacy jon dasiahnuŭ $1925. Heta plus 6,3% za dva miesiacy.
Takim čynam, hetym letam byŭ pabity rekord vosieni 2013 hoda, kali kvadrat u stalicy pa prapanovach kaštavaŭ 1840 dalaraŭ.
Infahrafika: Realt.by
A voś rekord vosieni 2007 hoda, kali mietr u Minsku dasiahnuŭ adznaki ŭ 2000 dalaraŭ, pakul zastajecca nie pieraadolenym.