U vychodnyja mohuć być pieraboi z kartkami dvuch bankaŭ
Klijentam Biełarusbanka i BSB Banka buduć časova niedastupnyja niekatoryja apieracyi ŭ najbližejšyja vychodnyja. Z 26 pa 27 lipienia hetyja ŭstanovy praviaduć techničnyja raboty.
Tak, z 23:00 26 lipienia da 07:00 27 lipienia ŭ adździaleńniach Biełarusbanka i praź ich anłajn-servisy nielha budzie skarystacca ŭkładnymi i biahučymi rachunkami, pahasić kredyty ci aformić novyja płaciežnyja kartki.
Taksama z 01:00 da 02:00 27 lipienia ŭ banku nie buduć dastupnyja apieracyi z kartkami i najaŭnymi hrašyma.
BSB Bank taksama praviadzie technałahičnyja raboty: z 01:50 da 07:00 27 lipienia apieracyi z płaciežnymi kartkami, terminałami i bankamatami buduć prypynieny.