Džo Bajden pradaŭ pravy na svaje budučyja miemuary za $10 miljonaŭ
Hazieta The Wall Street Journal paviedamlaje sa spasyłkaj na svaje krynicy, što 82-hadovy były prezident ZŠA Džo Bajden pradaŭ pravy na publikacyju svaich miemuaraŭ za 10 miljonaŭ dalaraŭ. Pakupnikom stała adno z najbujniejšych amierykanskich vydaviectvaŭ Hachette Book Group.
Džo Bajden. Fota: AP Photo/Jacquelyn Martin
Nazva budučaj knihi pakul nie padajecca, jak nie nazyvajecca i data publikacyi. Heta tamu, što jana pakul što nie zavieršanaja.
Stan zdaroŭja Bajdena, u jakoha niadaŭna dyjahnastavali rak prastaty ŭ ahresiŭnaj formie, chutčej za ŭsio, vyznačyć terminy zaviaršeńnia rukapisu i płany pa jaje rekłamie, adznačaje The Wall Street Journal.
Vydańnie taksama nahadvaje, što pravy na miemuary jašče adnaho eks-prezidenta ZŠA Biła Klintana byli pradadzienyja za $15 miljonaŭ.
Čytajcie taksama:
Džo Bajden upieršyniu prakamientavaŭ dyjahnaz pra rak
Bajden upieršyniu vystupiŭ z pramovaj paśla sychodu z pasady