Błohier-kanśpirołah Virus spyniaje svaju dziejnaść, bo nichto jamu nie danaciŭ
Vital Kandracienka bolš nie abnaŭlaje svoj kanał i vydaliŭ usie staryja kamientary pad dopisami.
Vital «Virus» Kandracienka
«Padobna, ideja niezaležnaha kanała nie znajšła patrebnaha vodhuku ŭ biełarusaŭ, tamu ja zasiarodžusia na asabistych spravach. Dziakuj usim, chto byŭ pobač», — napisaŭ u svaim telehram-kanale błohier-kanśpirołah Vital «Virus» Kandracienka.
Dopis byŭ apublikavany 25 lipienia, i za nastupny dzień u kanale nie źjaviłasia nivodnaha abnaŭleńnia, choć zvyčajna Virus non-stop repościć čyjeści niehatyŭnyja mierkavańni pra demakratyčny ruch albo z dapamohaj čata GPT sam hienieruje padobnyja vykryvalnickija tezisy. Za apošni miesiac u jaho 350 publikacyj.
Razam z tym źnikli i ŭsie kamientary pad starymi dopisami błohiera-kanśpirołaha.
Kandracienka pastajanna narakaŭ na adsutnaść hrošaj, nahadvaŭ čytačam, što vydatki na ŭtrymańnie prajekta składajuć ad 300 jeŭra na miesiac, i prasiŭ padtrymać jaho.
Vital Kandracienka mieŭ u Biełarusi try niepalityčnyja sudzimaści, dźvie ź jakich za kradziažy. U 2020-m dałučyŭsia da pratesnaha ruchu, staŭ zborščykam podpisaŭ za Śviatłanu Cichanoŭskuju. U červieni 2020 vyjechaŭ ź Biełarusi, asieŭ va Ukrainie. Pracavaŭ u aŭtaservisie, a ŭvieś svabodny čas pryśviačaŭ baraćbie ź Cichanoŭskaj, jakuju sprabavaŭ vystaŭlać ahientkaj ruskaha śvietu. U jaho telehram-kanała kala 1400 padpisantaŭ.