Palitviaźniu z Maładziečna, u jakoha niama adnoj nahi, prysudzili 4 hady kałonii
U 2021-m Iharu Sidaroviču dali chatniuju chimiju za abrazu načalnika miascovaj milicyi, a letaś aryštavali paŭtorna.
Ihar Sidarovič. Fota: Rehijanalnaja hazieta
53-hadovy žychar Maładziečna Ihar Sidarovič atrymaŭ prysud užo pa treciaj palityčnaj kryminalnaj spravie.
Viasnoj 2021-ha jaho asudzili spačatku za ŭdzieł u pratestach — tady abmiežavalisia štrafam. Letam 2021-ha Sidaroviča asudzili za «abrazu» načalnika Maładziečanskaha RUUSa Vadzima Pryhary i dali paŭtara hoda chatniaj chimii.
U kancy 2024 hoda Sidaroviča aryštavali znoŭ — ciapier za «sadziejničańnie ekstremisckaj dziejnaści» (art. 361-4 Kryminalnaha kodeksa). Palitviaźnia ŭtrymlivali ŭ SIZA niahledziačy na invalidnaść — u jaho niama adnoj nahi.
U lipieni 2025 hoda Iharu Sidaroviču vynieśli novy prysud — čatyry hady kałonii.