U Zakarpaćci padletki 13, 14, 16 i 17 hadoŭ zhvałtavali 46-hadovuju žančynu
U Mukačavie pravaachoŭniki zatrymali niepaŭnaletnich, jakich padazrajuć u zhvałtavańni i rabavańni žančyny, paviedamlaje RBK-Ukraina.
Fota: Oleksandr Oleksiienko/Kordon.Media/Global Images Ukraine via Getty Images
Pa danych pravaachoŭnikaŭ, 23 lipienia ŭ palicyju źviarnułasia 46-hadovaja žančyna. Jana zajaviła, što na jaje napali niekalki padletkaŭ — siłaj adabrali załatyja ŭpryhažeńni i hrošy, paśla čaho zhvałtavali jaje i źbiehli.
U palicyi pačali rasśledavańnie i ŭstanavili asob, jakija majuć dačynieńnie da złačynstva — čaćviora chłopcaŭ, va ŭzroście 13, 14, 16 i 17 hadoŭ.
Pavodle papiarednich danych, padletki sustreli žančynu na vulicy, prapanavali pravieści jaje, a paśla zaviali ŭ biaźludnaje miesca. Tam jany ŭžyli fizičny hvałt, zavałodali hrašyma paciarpiełaj i juvielirnymi vyrabami i zhvałtavali jaje.
Traim pahražaje da 12 hadoŭ pazbaŭleńnia voli.
Z čaćviortym składaniej, bo jon nie dasiahnuŭ uzrostu, ź jakoha pačynajecca kryminalnaja adkaznaść.