Vyjšła kniha ź dźviuma mistyčnymi historyjami ź Biełarusi

U vydaviectvie «Pflaŭmbaŭm» vyjšła novaja kniha aŭtarak Tafili Bahač i Paŭliny Kot «Paśpieć da ciemry. Mistyčnyja historyi ź Biełarusi», piša Bellit.info. U vydaviectvie kažuć, što dźvie historyi napisanyja znanymi biełaruskimi aŭtarkami, jakija schavalisia za psieŭdanimami.

«Letam pryvidy ŭ Minsku źnikajuć praź niedachop vilhaci ŭ pavietry. Horača i sucha — niama vialikaj raki», — piša Paŭlina Kot. Ale ŭ vołkim pavietry kvatery numar nul hierainia jaje apoviedu pastajanna adčuvaje čužuju prysutnaść, ad jakoj možna padkinucca ŭnočy. Chto raniej zavitvaŭ u hetuju stalinku la HUMa?

U apovieści Tafili Bahač dźvie pary vačej uvažliva nazirajuć za ludźmi ŭ biełaruskaj pravincyi i robiać svaje vysnovy. Takija cichija i takija nieprykmietnyja stvareńni. Choć na ich śpinach raście čornaja poŭść — jany doŭha zastajucca blizkimi susiedziami viaskoŭcaŭ biez taho, kab ich niechta zaŭvažyŭ.

Kniha ŭžo ŭ prodažy ŭ kniharni «Knihaŭka» ŭ Varšavie. Poŭny śpis miescaŭ, dzie nieŭzabavie možna budzie kupić knihu hladzicie tut.

Kamientary da artykuła