Biełaruś stała asnoŭnym imparcioram śvininy z Rasii. A raniej jana tudy miasa pradavała

U Biełarusi adbyŭsia vialiki padziež śviniej, tamu kraina pačała masava zakuplać śvininu ŭ Rasii. Raniej ža, naadvarot, Biełaruś sama pastaŭlała heta miasa ŭ Rasijskuju Fiederacyju, piša vydańnie «Biełorusy i rynok».

Fota ilustracyjnaje

Zhodna z danymi vydańnia Forbes, Biełaruś u 2025 hodzie stała hałoŭnym imparcioram rasijskaj śvininy, nabyŭšy pradukcyi amal na 100 miljonaŭ dalaraŭ. Heta składaje kala pałovy ŭsiaho rasijskaha ekspartu śvininy. Na druhim miescy idzie Vjetnam (88 miljonaŭ dołaraŭ), na trecim — Kitaj (50 miljonaŭ).

Jak tłumačyć kiraŭnik Nacyjanalnaj miasnoj asacyjacyi Rasii Siarhiej Jušyn, Biełaruś raniej była bujnym vytvorcam śvininy i navat pastaŭlała jaje ŭ Rasiju da 60 tysiač ton u hod. Ale ŭ 2024 hodzie na biełaruskich śvinahadoŭčych haspadarkach uspychnuła epidemija, jakaja mocna ŭdaryła pa halinie.

Asabliva mocna paciarpieli Homielskaja i Minskaja vobłaści — tam kolkaść śviniej skaraciłasia na 28% i 25% adpaviedna. U niekatorych rajonach, takich jak Vilejski, Klecki i Śvietłahorski, śviniej amal nie zastałosia. U Mazyrskim, Słuckim i Łahojskim ich kolkaść źmienšyłasia ŭ niekalki razoŭ.

Pavodle Biełstata, za pieršaje paŭhodździe 2025 hoda ŭ paraŭnańni z tym ža pieryjadam letaś zaboj śviniej na miasa ŭ Biełarusi skaraciŭsia na 14,6%.

Kamientary da artykuła