Žančynu-pulmanołaha z 30-hadovym stažam adpravili ŭ kałoniju pa troch palityčnych artykułach
Alena Rudaja zahadvała adździaleńniem u 10-j balnicy Minska ŭ Čyžoŭcy.
U Minskim haradskim sudzie asudzili pulmanołaha Alenu Ruduju. Doktarcy inkryminiravali try palityčnyja artykuły:
— č. 3 art. 361 — zakliki da pryčynieńnia škody nacyjanalnaj biaśpiecy Biełarusi
— č. 3 art. 361-1 — uvachodžańnie ŭ skład ekstremisckaha farmavańnia
— č. 1 art. 368 — abraza Alaksandra Łukašenki.
Minimalnaje pakarańnie, jakoje pahražała Rudoj pa ich, 4 hady kałonii.
Alena Rudaja naradziłasia ŭ 1969 hodzie. Skončyła Biełaruski dziaržaŭny miedycynski ŭniviersitet (1992). Pracavała ŭ 10-j balnicy Minska (1992-2022), zahadvała adździaleńniem.
Doktarka ŭklučanaja ŭ milicejski śpis «ekstremistaŭ».