Časovy pavierany: Biełaruś viadzie dyjałoh z ZŠA, ale razmovy pra abmien pasłami niama
Biełaruś praciahvaje raźvivać kantakty z Złučanymi Štatami Amieryki. Pra heta zajaviŭ žurnalistam časova v.a. pavieranaha ŭ spravach Biełarusi ŭ ZŠA Pavieł Šydłoŭski, paviedamlaje BiełTA.
Pasolstva ZŠA ŭ Minsku. Fota: staronka Pasolstva ZŠA ŭ Minsku
«Naš dyjałoh z amierykanskim bokam praciahvajecca, nieabchodnyja kantakty znojdzieny, jany raźvivajucca. Pasolstva viadzie taksama dyjałoh z amierykanskimi hramadskimi arhanizacyjami, humanitarnaj supolnaściu, ekśpiertnaj supolnaściu. To bok nazirajecca peŭnaja zacikaŭlenaść da Biełarusi. Ale dypłamatyja lubić cišyniu, tamu na dadzienym etapie bolej skazać nie mahu», — adznačyŭ Pavieł Šydłoŭski.
Adkazvajučy na pytańnie pra mahčymaść uzajemnaj akredytacyi pasłoŭ, dypłamat skazaŭ, što na dadzienym etapie Biełaruś viadzie dyjałoh z amierykanskaj administracyjaj, nieabchodnyja kantakty ŭstalavanyja i padtrymlivajucca, ale kankretna hetaja tema pakul nie znachodzicca ŭ paradku dnia.