Stała viadoma pra aryšt papularnaj mastački Aksany Šalapinaj
Da jaje pryjšli za dapamohu palitviaźniam.
Aksana Šalapina. Fota: Sb.by
U SIZA trapiła mastačka Aksana Šalapina. Jak paviedamlajuć pravaabaroncy, na jaje zaviali kryminalnuju spravu pa artykule 361-4 Kryminalnaha kodeksa — sadziejničańnie ekstremisckaj dziejnaści.
Aksanie Šalapinaj 48 hadoŭ, jana minčanka. Skončyła architekturny fakultet BNTU, u 2000-2005 pracavała architektaram u prajektnym instytucie ŭ Minsku, paśla zaniałasia dyzajnam pamiaškańniaŭ
Z 2009 hoda Aksana zachapiłasia malavańniem u technicy alejnaha žyvapisu i ŭ najbolšaj miery realizavała siabie mienavita ŭ hetaj śfiery.
Praz art-katałohi pradajecca niekalki dziasiatkaŭ karcin Šalapinaj, pieravažna heta piejzažy. Jašče kala 50 karcin paznačanyja jak pradadzienyja, samaja darahaja kaštavała 800 jeŭra.
Karcina «Mora» była pradadziena za 800 jeŭra
Karcina «Łavandavaje nieba» kaštavała 500 jeŭra
Raboty Šalapinaj znachodziacca ŭ pryvatnych kalekcyjach ZŠA, Hiermanii, Italii i inšych krain.
Mastačcy moža pahražać ad chimii na termin da 4 hadoŭ da kałonii na termin ad 2 da 6 hadoŭ.