«Fłahštok» abvierh infarmacyju pra śmierć treciaha rabotnika «Biełarusnafty» ad udaru tokam
Učarašnija źviestki krynicy vydańnia «Fłahštok» pra toje, što ŭ balnicy nibyta pamior treci paciarpieły pry incydencie ŭ Rečyckim rajonie rabotnik «Biełarusnafty», abvierhła inšaja krynica, źviazanaja z achovaj zdaroŭja. Pra heta paviedamiŭ toj ža samy «Fłahštok».
Ilustracyjny zdymak. Fota: «Biełarusnafta»
Pavodle danych surazmoŭcy, špitalizavany rabotnik pa-raniejšamu znachodzicca ŭ balnicy na lačeńni. «Fłahštok» prynosić svaje prabačeńni za publikacyju niedakładnaj infarmacyi i žadaje paciarpiełamu najchutčejšaha vyzdaraŭleńnia.
Pakul što ni ŭ dziaržaŭnaj presie, ni na resursach «Biełarusnafty» tak i nie źjaviłasia pašyranaj infarmacyi pra trahiedyju, u vyniku jakoj dvoje rabotnikaŭ zahinuli na miescy ad udaru tokam, a treci byŭ špitalizavany.
Čytajcie taksama:
Što stała pryčynaj śmierci rabotnikaŭ «Biełarusnafty» padčas ramontu na trasie