Bałkuniec, Šarenda-Panasiuk i jašče dva čałavieki zaklikali vystavić ultymatum Łukašenku, a pakul asudzili Cichanoŭskuju

U apublikavanym videa jany zajavili pra pravał piacihadovaj pracy Ofisa Śviatłany Cichanoŭskaj i vykazali jamu pretenzii z nahody nieefiektyŭnaj pracy apazicyi z 2001 hoda.

Skrynšot ź videa

Dvoje z hetych ludziej dobra viadomyja hramadskaści — heta Dźmitryj Bałkuniec i byłaja palitźniavolenaja Palina Šarenda-Panasiuk.

Dvuch inšych zavuć Viačasłaŭ Japiška (pradprymalnik i historyk z Bresta) i Rusłan Chazin (kolišni rabotnik «Hrodna Azota», jaki paśla pracavaŭ elektramantažnikam u Rasii).

U videa ŭsie čatyry śpikiery vystupili pa čarzie: Chazin i Bałkuniec pa-rusku, Šarenda-Panasiuk i Japiška pa-biełarusku.

Usie vystupoŭcy pa čarzie abvinavacili Ofis Śviatłany Cichanoŭskaj i nabližanych da jaje ludziej u biaździejańni i niametavym vykarystańni zachodniaj padtrymki, taksama ŭskłali na jaho adkaznaść za najaŭnaść u Biełarusi palitviaźniaŭ.

Šarenda-Panasiuk zaklikała vystavić ultymatum Alaksandru Łukašenku.

Paśla hetaha śpikiery pierajšli da kankretnaj prapanovy pa supraćdziejańni dziejnaści Ofisa — sklikać Ustanoŭčy schod i pryniać na im roznyja cudadziejnyja dakumienty.

Kamientary da artykuła