U Litvie padraździaleńnie SPA pieramiaścili bližej da miažy ź Biełaruśsiu

Śpiecyjalnaje padraździaleńnie supraćpavietranaj abarony litoŭskaj armii pieramiaścili bližej da miažy ź Biełaruśsiu z-za pahrozy bieśpiłotnikaŭ. Jak paviedamiŭ hałoŭnakamandujučy armijaj Litvy Rajmundas Vajkšnoras, heta rašeńnie było pryniata paśla incydentu, kali bieśpiłotnik pieralacieŭ ź Biełarusi na terytoryju Litvy.

Hienierał Rajmundas Vajkšnoras. Fota: Carsten Hoffmann/picture alliance via Getty Images

Rajmundas Vajkšnoras adznačyŭ, što ciapier padraździaleńni SPA ŭzmocnienyja, a bataljon, zdolny vyjaŭlać i źniščać pavietranyja pahrozy, užo pierakinuty bližej da miažy.

Taksama Vajkšnoras paviedamiŭ, što z nastupnaha hoda Litva pačnie vykarystoŭvać ukrainskuju sistemu hukavoha vyjaŭleńnia bieśpiłotnikaŭ.

Ministarka abarony Litvy Daviłė Šakalenė dadała, što najaŭnaja sistema nazirańnia nie zdolnaja efiektyŭna vyjaŭlać małyja i manieŭranyja celi na nizkaj vyšyni, asabliva ŭ składanych umovach nadvorja. Jana adznačyła, što płanujecca madernizacyja naziralnych sistem, nabyćcio novaj techniki i paskareńnie pracesaŭ zakupak.

Ranicaj 28 lipienia žychary litoŭskaha pamiežža ź Biełaruśsiu, u tym liku i staličnaj Vilni, paviedamili pra mahčymy bieśpiłotnik, jaki jany bačyli i čuli. Davile Šakalenė dapuściła, što dron moh zalacieć u Litvu z-za ŭździejańnia ŭkrainskich sistem radyjoelektronnaj baraćby, ale pakul što jaho ŭvohule nie znajšli.

Kamientary da artykuła