«Dezaryjentavany SPA Ukrainy». U Litvie nazvali najbolš vierahodnuju viersiju, čamu na jaje terytoryju znoŭ zalacieŭ čužy dron
Vajskova-pavietranyja siły Litvy paviedamili, što zafiksavali dron, jaki ŭnačy zalacieŭ ź Biełarusi ŭ Litvu, jašče nad biełaruskaj terytoryjaj, i pierasłali infarmacyju pra jaho ŭ abjadnany centr VPS NATA, paviedamlaje LRT.
«Vajskova-pavietranyja siły armii Litvy nazirali abjekt, kali jon jašče znachodziŭsia nad terytoryjaj Biełarusi. Infarmacyja była pieradadzienaja Abjadnanamu centru pavietranych apieracyj NATA.
Na hety momant najbolš vierahodnaj ličycca viersija ab tym, što heta — dron, dezaryjentavany ŭkrainskaj sistemaj SPA, adnak buduć razhledžanyja ŭsie mahčymyja scenary.
Ciapier vajskoŭcy i pradstaŭniki inšych dziaržaŭnych ustanoŭ viaduć pošuki latalnaha aparata. Paśla vyjaŭleńnia abjekta buduć vykananyja tyja ž dziejańni, što i ŭ vypadku z «Hierbieraj»: praca sapioraŭ na miescy zdareńnia i nastupnaje rasśledavańnie», — havorycca ŭ zajavie.
Heta ŭžo druhi taki vypadak za apošni miesiac. Klučavy pasył litoŭskaj armii na hety momant: u mirny čas praviły prymianieńnia siły zastajucca raniejšymi, adnak paśla druhoha padobnaha incydentu, asabliva z ulikam uzrosłaj vierahodnaści naŭmysnych pravakacyj napiaredadni vučeńniaŭ «Zachad» razhladajecca mahčymaść raźmiaščeńnia srodkaŭ SPA ŭ najbolš vierahodnych miescach mahčymaha źjaŭleńnia takich aparataŭ kala miažy ź Biełaruśsiu.
Raniej palicyja Litvy paviedamiła pra bieśpiłotny latalny aparat niavyznačanaha typu, jaki ranicaj 28 lipienia zalacieŭ u pavietranuju prastoru Litvy z boku Biełarusi. Bieśpiłotnik nazirali nad Vilniaj a 5-j hadzinie ranicy na vyšyni kala 200 mietraŭ. Hramadzianam byli razasłanyja adpaviednyja SMS-paviedamleńni.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Biełaruskija ściuardesy Biełavija, daŭniaja apazicyjanierka Volha Karač i kalinoviec Vasil Vieramiejčyk dla ich pradstaŭlajuć pahrozu dla ich nacyjanalnaj biaśpieki, a rasiejskija drony - nie?