U Biełarusi ŭzmocniać pakarańnie za niapravilna vykinutaje śmiećcie i niaskošany barščeŭnik

Staršynia pastajannaj kamisii Savieta Respubliki pa zakanadaŭstvie i dziaržaŭnym budaŭnictvie Michaił Rusy paviedamiŭ pra płanavanaje pryniaćcie novaha zakona, jaki maje ŭvieści bolš strohija miery suprać tych, chto vykidaje śmiećcie, asabliva ŭ lasach, kala pradpryjemstvaŭ i ŭzdoŭž daroh.

Fota ilustracyjnaje

Jurydyčnyja asoby paśla pryniaćcia zakona mohuć atrymlivać za parušeńni štrafy da tysiač bazavych vieličyń. Asablivy akcent — na štrafach za śmiećcie z aŭtamabilaŭ: navat za pakiet z-pad čypsaŭ mohuć pakarać davoli surjozna.

Pavodle słoŭ Michaiła Rusaha, pierš čym užyvać žorstkija miery, ułady płanujuć akcentavać uvahu na infarmavańni nasielnictva. Heta tyčycca i baraćby ź invaziŭnymi raślinami, takimi jak barščeŭnik i kanadski sumnik. Invaziŭnymi nazyvajuć raśliny, što byli zaviezienyja ŭ Biełaruś ź inšych rehijonaŭ i zaraz nanosiać škodu pryrodzie i ekanomicy, vyciaśniajučy miascovyja vidy.

Kali čałaviek, naprykład, nie skasiŭ barščeŭnik na leciščy, to jamu spačatku vydaduć pradpisańnie. Kali ž reahavańnia nie budzie — pačnie dziejničać miechanizm administracyjnaj adkaznaści.

Kamientary da artykuła