Śmiećcievyja palihony ŭ Biełarusi amal całkam vyčarpali svoj resurs. Što budzie dalej z adchodami?
Z 2010 hoda ahulnaja kolkaść palihonaŭ skaraciłasia ŭ 22 razy.
Ministerstva žyllova-kamunalnaj haspadarki zaćvierdziła Stratehiju raźvićcia žyllova-kamunalnaj haspadarki Biełarusi da 2035 hoda. U pryvatnaści, idzie havorka ab zbory śmiećcia i paasobnym zbory adchodaŭ, piša Blizko.by.
Štohod u Biełarusi ŭtvarajecca kala 4 miljonaŭ ton ćviordych kamunalnych adchodaŭ (CKA), što składaje nie bolš za 7% ad ahulnaha abjomu ŭtvareńnia adchodaŭ. Pry hetym bolš za 80% abjomu CKA składajuć adchody spažyvańnia ad nasielnictva.
Abjom zboru druhasnaj syraviny ŭ 2024 hodzie skłaŭ 840.200 ton, abjom vykarystańnia arhaničnaj častki CKA — 511.000 ton. Raździelnym zboram achoplena 85,3% nasielnictva (7,9 miljona čałaviek).
U 2012 hodzie paŭtorna vykarystoŭvałasia (pierapracoŭvałasia) kala 10% CKA, a ŭ 2024-m — 39,6%. Pa hetym pakazčyku Biełaruś źjaŭlajecca lidaram u SND i JEAES. Sioleta pakazčyk źbirajucca davieści da 64%, a da 2035 hoda — navat da 90%.
Z 2010 hoda ahulnaja kolkaść palihonaŭ skaraciłasia ŭ 22 razy. Mini-palihonaŭ bolš nie zastałosia zusim. Pachavańnie adchodaŭ idzie na 151 palihonie pa ŭsioj krainie. Pry hetym zapasie palihonaŭ pa krainie ŭ cełym chopić prykładna na 10 hadoŭ, pieravažnaja častka palihonaŭ CKA vyčarpała svoj resurs. U bližejšyja hady ŭ Mahiloŭskaj i Minskaj abłaściach ich resurs budzie vyčarpany praktyčna całkam.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2
Kamientary