U Anhole ŭspychnuli pratesty, zahinuli 22 čałavieki
U stalicy Anhoły Łuandzie padčas pratestaŭ, što prajšli 28—29 lipienia, zahinuli prynamsi 22 čałavieki, u tym liku adzin palicejski. Jašče 197 čałaviek atrymali ranieńni. Ličby nazvali ŭ kancylaryi prezidenta krainy, paviedamlaje Associated Press.
Fota: freemalaysiatoday.com
Ułady Anhoły zatrymali 1 214 čałaviek pa padazreńni ŭ maradziorstvie. Pra heta paviedamiŭ ministr unutranych spraŭ krainy Manueł Omiń padčas pasiadžeńnia ŭrada pad staršynstvam prezidenta Žuau Łaŭrensu.
Padčas antyŭradavych pratestaŭ ludzi patrabavali źnižeńnia cenaŭ na paliva, jakija vyraśli paśla taho, jak urad skasavaŭ subsidyi na bienzin i dyziel. U vyniku chvalavańniaŭ byli razrabavanyja kala 50 kram i bankaŭskich adździaleńniaŭ, taksama była paškodžanaja haradskaja infrastruktura.
Pa stanie na 30 lipienia situacyja ŭ Łuandie stabilizavałasia — na vulicach značna paboleła palicyi. Ludzi pačali masava zakuplać pradukty, bajučysia novych pratestaŭ.
U pačatku lipienia anholski ŭrad admianiŭ dziaržaŭnyja subsidyi, što pryviało da 30-pracentnaha skačka cenaŭ na dyzielnaje paliva i bienzin. Choć Anhoła — adzin z najbujniejšych vytvorcaŭ nafty ŭ Afrycy, krainie nie chapaje pierapracoŭčych zavodaŭ dla zadavalnieńnia ŭnutranaha popytu, tamu šmat paliva impartujecca.
Čytajcie taksama:
U jakija krainy dla biełarusaŭ najbolš darahija turystyčnyja vizy? Lidar niečakany