Rasija naniesła ŭdar pa Kijevie: razburanyja dva žyłyja damy
Pieršapačatkovy ŭdar byŭ u pačatku nočy, nastupny pad ranicu.
U pačatku nočy ŭspychnuli pažary bolš čym u dziesiaci miescach, paranieny šeść čałaviek.
Spačatku pra šaściarych paciarpiełych napisaŭ u svaim telehram-kanale kiraŭnik vajennaj administracyi Kijeva Cimur Tkačenka.
Hramadzianski mer Kijeva Vital Kličko paviedamiŭ, što dvoje paciarpiełych u Sałamianskim rajonie horada byli špitalizavanyja.
I Tkačenka, i Kličko pišuć pra pažary ŭ žyłych damach i aŭtamabilach, što hareli ŭ vyniku padzieńnia abłomkaŭ bieśpiłotnikaŭ.
Na śvitanku 31 lipienia rasijskaja akupacyjnaja armija naniesła novy rakietny ŭdar pa Kijevu: paškodžany dom, vybity vokny ŭ dziciačym adździaleńni miedustanovy.
Fota ź instahrama Vitala Kličko
Ukrainskija telehram-kanały paviedamlajuć, što ŭ Kijevie pry rasijskim rakietnym udary abrynuŭsia ceły padjezd dzieviacipaviarchovaha doma i publikujuć fota i videa hetaha doma.
Uładzimir Zialenski taksama apublikavaŭ fota padjezda.
Kolkaść paciarpiełych vyrasła da 50 čałaviek, 29 u balnicy. Dva čałavieki zahinuli.