Pamior akademik Alaksiej Maćviejeŭ
21 lipienia pamior viadomy biełaruski hieołah, akademik Nacyjanalnaj akademii navuk Biełarusi Alaksiej Maćviejeŭ. Jamu było 87 hadoŭ.
Alaksiej Maćviejeŭ
Alaksiej Maćviejeŭ naradziŭsia ŭ Minsku 23 maja 1938 hoda, u 1960-m skončyŭ hieahrafičny fakultet BDU. Pracavaŭ u «Biełhipravadhasie», potym u Instytucie hieałahičnych navuk. U 1975 h. abaraniŭ doktarskuju dysiertacyju.
Z 1993 hoda ŭznačalvaŭ Instytut hieałahičnych navuk NAN Biełarusi, aktyŭna ŭdzielničaŭ u raspracoŭcy dziaržaŭnych navukovych prahram, u tym liku pa prahnozie karysnych vykapniaŭ i abhruntavańni raźmiaščeńnia AES.
Jaho navukovaja dziejnaść była pryśviečanaja vyvučeńniu čaćviarcičnaj hieałohii, lednikovych adkładaŭ, hieamarfałohii, nieatektoniki i ekałahičnaj hieałohii. Byŭ aŭtaram kala 400 navukovych prac, u tym liku 23 knih.
Vykładaŭ u BDU, padrychtavaŭ mnostva vučniaŭ. Za svaju dziejnaść byŭ uznaharodžany šeraham dziaržaŭnych premij i zvańniaŭ.