U Litvie znajšli rasijanina, jaki ŭ červieni vyskačyŭ z tranzitnaha ciahnika Adler — Kalininhrad
Hramadzianina Rasii, jaki ŭ červieni ŭciok z tranzitnaha ciahnika, što jechaŭ z Adlera ŭ Kalininhrad, znajšli. Jak paviedamiła Ministerstva ŭnutranych spraŭ Litvy, jaho miescaznachodžańnie viadomaje adpaviednym słužbam, ale padrabiaznaści nie raskryvajucca z-za rasśledavańnia, jakoje ciapier pravodzicca, paviedamlaje LRT.
Fota: Litoŭskaja palicyja
Incydent adbyŭsia 17 červienia: ličycca, što mužčyna vyskačyŭ ź ciahnika padčas ruchu niedaloka ad pamiežnych Kibartaŭ. Tady jaho šukali z dapamohaj viertalota, kinołahaŭ i dronaŭ, ale vynikaŭ pošuki nie prynieśli.
Pavodle papiarednich danych, prykładna za 25 chvilin da prybyćcia ciahnika na stancyju Kibarty pravadnica zaŭvažyła ŭ vahonie adčynienyja dźviery — miarkujecca, što praź ich mužčyna i vyskačyŭ.
Ministr unutranych spraŭ Litvy Uładzisłaŭ Kandratovič adznačyŭ, što padčas unutranaj pravierki parušeńniaŭ u dziejańniach litoŭskich pravaachoŭnikaŭ vyjaŭlena nie było.
Čytajcie taksama:
Rasijanin vyskačyŭ u Litvie ź ciahnika padčas ruchu, jaho šukaje palicyja
Jak vyhladaje bieśpiłotnik, jaki siońnia znajšli ŭ Litvie FOTA
U Litvie znajšli bieśpiłotnik, što zalacieŭ ź Biełarusi. Voś jak jon vyhladaje
Departamient dziaržaŭnaj biaśpieki Litvy: Raście ryzyka zatrymańnia litoŭcaŭ u Biełarusi