У Літве знайшлі расіяніна, які ў чэрвені выскачыў з транзітнага цягніка Адлер — Калінінград
Грамадзяніна Расіі, які ў чэрвені ўцёк з транзітнага цягніка, што ехаў з Адлера ў Калінінград, знайшлі. Як паведаміла Міністэрства ўнутраных спраў Літвы, яго месцазнаходжанне вядомае адпаведным службам, але падрабязнасці не раскрываюцца з-за расследавання, якое цяпер праводзіцца, паведамляе LRT.
Фота: Літоўская паліцыя
Інцыдэнт адбыўся 17 чэрвеня: лічыцца, што мужчына выскачыў з цягніка падчас руху недалёка ад памежных Кібартаў. Тады яго шукалі з дапамогай верталёта, кінолагаў і дронаў, але вынікаў пошукі не прынеслі.
Паводле папярэдніх даных, прыкладна за 25 хвілін да прыбыцця цягніка на станцыю Кібарты правадніца заўважыла ў вагоне адчыненыя дзверы — мяркуецца, што праз іх мужчына і выскачыў.
Міністр унутраных спраў Літвы Уладзіслаў Кандратовіч адзначыў, што падчас унутранай праверкі парушэнняў у дзеяннях літоўскіх праваахоўнікаў выяўлена не было.
Чытайце таксама:
Расіянін выскачыў у Літве з цягніка падчас руху, яго шукае паліцыя
Як выглядае беспілотнік, які сёння знайшлі ў Літве ФОТА
У Літве знайшлі беспілотнік, што заляцеў з Беларусі. Вось як ён выглядае
Дэпартамент дзяржаўнай бяспекі Літвы: Расце рызыка затрымання літоўцаў у Беларусі