U pałon trapiŭ 50-hadovy biełarus, jaki vajavaŭ za Rasiju
Stanisłaŭ Bialkievič prosić Łukašenku viarnuć jaho z Ukrainy.
Skrynšot videa
U pałon va Ukrainie trapiŭ 50-hadovy biełarus Stanisłaŭ Bialkievič, jaki vajavaŭ na baku Rasii. Jon śćviardžaje, što jon vajskoviec biełaruskaj armii i ich adpravili na vučeńni ŭ Rasii.
«Tam dali aŭtamat i adpravili na realnuju vajnu. Naš uzvod razhramili, usie «dźvieście», a ja trapiŭ u pałon», — raskazvaje jon u videa, apublikavanym u telehram-kanale hałaŭnoha redaktara «Cienzor.Niet» Juryja Butusava.
Adnak viersija vyhladaje nierealistyčna. Inšych paćvierdžańniaŭ słovam mužčyny, što biełaruskich vajskoŭcaŭ centralizavana adpraŭlajuć na vajnu, niama. Viadoma, što na baku Rasii vajujuć dobraachvotniki ź Biełarusi, jakija ź finansavych ci ideałahičnych pryčyn vyrašajuć u pryvatnym paradku pajechać na front.
Bialkievič prosić Łukašenku paspryjać jaho viartańniu z Ukrainy.