Biełaruskaja čyhunka źbirajecca puścić bolš ciahnikoŭ u Maskvu
Biełaruskaja čyhunka razhladaje mahčymaść čaściej zapuskać ciahniki pamiž Minskam i Maskvoj. Pra heta paviedamiŭ načalnik Biełaruskaj čyhunki Valeryj Viarenič u intervju BiełTA.
Fota ilustracyjnaje
Pavodle słoŭ Valeryja Viareniča, ciapier viadziecca praca nad novymi hrafikami mižnarodnych ciahnikoŭ, i maršrut Minsk — Maskva zastajecca pryjarytetnym.
Uvohule ž za pieršaje paŭhodździe 2025 hoda pasłuhami BČ skarystalisia bolš za 28 miljonaŭ pasažyraŭ, pryčym 93% pieravozak prypadaje na ŭnutranyja maršruty.
U mižnarodnych znosinach z Rasijaj pieravieziena 1,7 miljona pasažyraŭ — na 14,2% bolš, čym za anałahičny pieryjad 2024 hoda. Najbolš papularnymi napramkami stali Maskva i Sankt-Pieciarburh, na ich prypadaje bolš za 86% mižnarodnaha pasažyrapatoku.
Taksama što ź listapada 2024 hoda pačaŭ pracavać novy rehularny maršrut elektraciahnika Mazyr — Kalinkavičy — Minsk, jakim užo skarystalisia amal 300 tysiač čałaviek.
Čytajcie taksama:
Biełaruskaja čyhunka niekalki ciahnikoŭ admienić, a ŭ inšych pamianiaje maršruty
Pad Minskam dzieci składali kamiani na rejki
Rasijskaja čyhunka dumaje zapuścić ciahniki «Sapsan» u Minsk