Biełaruskaja čyhunka niekalki ciahnikoŭ admienić, a ŭ inšych pamianiaje maršruty
Biełaruskaja čyhunka paviedamlaje, što 6 i 13 žniŭnia na ŭčastku «Viciebsk — Orša» źmienicca hrafik ruchu ciahnikoŭ z-za ramontu čyhunačnaha mosta. U suviazi z hetym niekatoryja ciahniki buduć admienienyja, a inšyja pajeduć pa źmienienych maršrutach.
Fota ilustracyjnaje
6 žniŭnia nie budzie ciahnika №640 «Orša — Połack», a na 6 i 13 žniŭnia admienienyja:
- №705/706 «Połack — Mahiloŭ — Połack»;
- №712/713 «Minsk — Viciebsk — Minsk».
Źmieny ŭ maršrutach buduć u nastupnych ciahnikoŭ:
- Ciahnik №704/703 «Viciebsk — Minsk — Viciebsk» (6 i 13 žniŭnia) i ciahnik №51 «Sankt-Pieciarburh — Minsk — Brest» (6 žniŭnia) pojduć praz Połack i Maładziečna;
- Ciahnik №658/657 «Brest — Połack» vyjedzie z Bresta 5 i 12 žniŭnia i dojdzie tolki da Viciebska (adtul — 6 i 13 žniŭnia);
- Ciahnik №606/605 «Brest — Viciebsk/Połack» 5 i 12 žniŭnia pajedzie pa maršrucie «Brest — Orša — Brest» praz Mahiloŭ, a nazad — 6 i 13 žniŭnia;
- Ciahnik №680/679 «Hrodna — Viciebsk — Hrodna» 5 žniŭnia pajedzie tolki da Oršy i nazad — 6 žniŭnia.
Taksama źmienicca raskład ciahnikoŭ ekanomkłasa na maršrutach «Viciebsk — Zamastočča — Viciebsk» i «Orša — Bahušeŭskaja — Orša». Niekatoryja rejsy na hetych kirunkach buduć admienienyja.
BČ prosić pasažyraŭ z razumieńniem pastavicca da situacyi i zahadzia ŭdakładniać raskład na sajcie, u mabilnym dadatku «BČ. Moj ciahnik» abo pa numary 105.
Ciapier čytajuć
Usie hadajuć, čamu Miesiac źmianiŭ svajo miescaznachodžańnie na niebie. Spytali ŭ astranoma, što adbyvajecca1
Usie hadajuć, čamu Miesiac źmianiŭ svajo miescaznachodžańnie na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1212
Kamientary