Kiraŭnicu Hahauzii asudzili da siami hadoŭ turmy
Baškana Hahauzii Jaŭhieniju Hucuł prysudzili da 7 hadoŭ pazbaŭleńnia voli pa spravie ab niezakonnym finansavańni vybarčaj kampanii.
Uładzimir Pucin i Jaŭhienija Hucuł, 14 sakavika 2024. Fota Mikhail Metzel, Sputnik, Kremlin Pool Photo via AP
Hucuł abvinavačvali ŭ tym, što jana ŭdzielničała ŭ niezakonnym finansavańni partyi, u pryvatnaści, vaziła hrošy z Rasii ŭ Małdovu z 2019-ha pa 2022 hod. Druhaja sprava źviazanaja z udziełam Hucuł u arhanizacyi pratestaŭ u Kišyniovie ŭ 2022 hodzie, dzie jana adkazvała za vypłaty ludziam, mitynhoŭcam kala dziaržaŭnych ustanoŭ.
U kastryčniku 2024 hoda Jeŭrasajuz unios Hucuł u sankcyjny śpis za prasoŭvańnie sieparatyzmu ŭ Hahauzii, ciesnyja suviazi z Rasijaj i pahrozy suvierenitetu i niezaležnaści Małdovy.
Prakuratura prasiła dzieviać hadoŭ turmy.
Taksama da šaści hadoŭ turmy asudžanaja byłaja sakratarka partyi «Šor» Śviatłana Prapan.
Hahauzija — aŭtanomnaja vobłaść Małdovy, u raspaŭsiudžvańnie svajho ŭpłyvu na jakuju šmat srodkaŭ ukłała Rasija.