U MZS raskazali padrabiaznaści hibieli biełaruskaj turystki ŭ Buracii
MZS Biełarusi paćvierdziła fakt hibieli hramadzianki Biełarusi ŭ vyniku niaščasnaha vypadku, jaki adbyŭsia ŭ Respublicy Buracija Rasijskaj Fiederacyi, piša BiełTA.
Raka Kitoj. Ilustracyjnaje fota: Nature.baikal.ru
«Pavodle papiarednich danych, hrupa ź piaci biełaruskich turystaŭ ździajśniała spłaŭ pa race. U łodcy znachodzilisia muž i žonka. Žančyna vypała za bort, muž pasprabavaŭ vyratavać jaje, skoknuŭšy ŭ vadu, ale, na žal, vyratavać jaje nie ŭdałosia. Mužčyna samastojna vybraŭsia na bierah. Inšyja členy hrupy nie paciarpieli. Hrupa zastajecca na miescy pad nahladam ratavalnikaŭ», — adznačyli ŭ MZS.
Pavodle infarmacyi MNS Rasii, na praciahu bližejšych 36 hadzin płanujecca evakuacyja.
MZS i pasolstva Biełarusi ŭ Rasii znachodziacca ŭ pastajannym kantakcie ź miascovymi orhanami ŭłady, ratavalnymi słužbami. Situacyja znachodzicca na asablivym kantroli.
«Ministerstva vykazvaje ščyryja spačuvańni siamji i blizkim zahinułaj. Usia mahčymaja konsulskaja dapamoha budzie akazana», — padkreślili ŭ MZS.