MARH znajšło šmat nieparadku ŭ mahiloŭskich sietkavych kramach
U Mahilovie Ministerstva antymanapolnaha rehulavańnia i handlu pravieryła pryvatnaje pradpryjemstva «AVA-siervis», jakoje kiruje 12 kramami «Naraschvat» i «U doma». Kontralory znajšli tam šmat parušeńniaŭ zakanadaŭstva.
Zdymak ilustracyjny. Fota: Jandeks.Karty
U 10-ci kramach z palic źniali bolš za 60 najmieńniaŭ praduktaŭ z praminułym terminam prydatnaści i 20 najmieńniaŭ tavaraŭ sumnieŭnaj jakaści na ahulnuju sumu kala 1,7 tysiačy rubloŭ.
Akramia taho, byli zafiksavanyja zavyšanyja ceny na asnoŭnyja pradukty — bulbu, śviežyja ahurki, pamidory, jabłyki, biezałkaholnyja napoi i niekatoryja małočnyja vyraby.
Za hetyja parušeńni Ekanamičny sud Mahiloŭskaj vobłaści nakłaŭ na pradpryjemstva štraf pamieram bolš za 5 tysiač rubloŭ. Try słužbovyja asoby taksama panieśli administracyjnuju adkaznaść, a jašče 13 čałaviek atrymali papiaredžańni.
Raniej, u 2022-2024 hadach, pradpryjemstva i jaho supracoŭnikaŭ užo karali za padobnyja parušeńni.
Čytajcie taksama:
MARH ździviŭsia, što ŭ «Santy» ŭsio nadta dobra, i pajšoŭ tudy z pravierkami
MARH uziaŭsia za «Dabranom» — u pałovie «Majakoŭ» znajšli praterminoŭku
MARH pajmienna nazvała ŭsich vinavatych u bulbianym deficycie