Troje darosłych zahinuli, piaciora dziaciej u balnicy — strašnaja avaryja na Hrodzienščynie
Mašyny ŭśmiatku.
Fota tut i dalej: MUS
Avaryja zdaryłasia siońnia kala 18 hadzin u Słonimskim rajonie na aŭtadarozie M-11 «Słonim—Lida—miaža Litvy». 47-hadovy kiroŭca Renault na zakruhleńni darohi vyjechaŭ na pałasu sustrečnaha ruchu i sutyknuŭsia ŭ łob z Mercedes, dzie za styrnom byŭ 48-hadovy mužčyna.
Abodva kiroŭcy i 47-hadovaja pasažyrka Renault zahinuli. Piaciora dziaciej špitalizavanyja, paviedamlaje MUS.
Na miescy zdareńnia pracujuć supracoŭniki DAI, MNS, śledča-apieratyŭnaja hrupa. Vyjechaŭ taksama časova vykonvajučy abaviazki pa pasadzie načalnika hałoŭnaha ŭpraŭleńnia DAI MUS Andrej Harkuša.