Zatrymali 15-hadovuju zakładčycu narkotykaŭ, joj pahražaje da 20 hadoŭ źniavoleńnia
Apieratyŭniki narkakantrolu Mahiloŭščyny pa padazreńni ŭ zbycie narkotykaŭ zatrymali 15-hadovuju školnicu, paviedamlaje pres-słužba MUS.
Skrynšot videa MUS
Prapanovu ab złačynnym zarobku dzieviacikłaśnica znajšła ŭ internecie. Ad kuratara jana atrymała spasyłku na narkamarkiet, prajšła navučańnie i stała kurjeram.
Dziaŭčyna atrymlivała partyi narkotyku, fasavała i raspaŭsiudžvała praz zakładki ŭ lesie ŭ Mahilovie.
Dziaŭčynu zatrymali na haračym padčas vykanańnia čarhovaha zadańnia. Pry joj, a taksama ŭ tajnikach było vyjaŭlena i kanfiskavana asabliva niebiaśpiečnaje psichatropnaje rečyva 4-SMS.
Zaviedziena kryminalnaja sprava za niezakonny abarot narkotykaŭ z metaj zbytu. Padletak papracavała na narkašop kala miesiaca, joj pahražaje da 20 hadoŭ pazbaŭleńnia voli.
Adkaznaść za padobnyja złačynstvy nastupaje z 14-hadovaha ŭzrostu.
U milicyi papiaredžvajuć, što ŭ pieryjad letnich kanikuł pavialičvajecca kolkaść vypadkaŭ uciahvańnia padletkaŭ u takuju złačynnuju dziejnaść, i zaklikajuć baćkoŭ cikavicca, čym zajmajucca dzieci.
«Kali ŭ dziciaci źjavilisia hrošy nieviadomaha pachodžańnia, hadžety abo inšyja kaštoŭnyja rečy? Jon viadzie patajemnyja pierapiski ŭ internecie? Jość padstava naściarožycca!» — zaklikajuć u milicyi.