Mocny viecier pavaliŭ 18 dreŭ u Hrodzienskaj vobłaści
Ratavalniki likvidavali nastupstvy ŭčorašniaj niepahadzi, paviedamlaje MNS.
Skrynšot videa MNS
10 žniŭnia ŭ vyniku prachodžańnia navalničnaha frontu i ŭzmacnieńnia vietru paryvami da 23 m/s, jaki prajšoŭ pa terytoryi Hrodzienskaj vobłaści, na liniju «101» pastupali paviedamleńni ab padzieńni dreŭ na darohi (18 vypadkaŭ) u Bierastavickim, Vaŭkavyskim, Dziatłaŭskim, Śvisłackim i Ščučynskim rajonach, a taksama ŭ Hrodnie.
U Dziatłaŭskim rajonie dreva ŭpała na pryvatny žyły dom: budynak nie paškodžany, ludzi nie paciarpieli.
Paryvami vietru paškodžany dachi dvuch pryvatnych žyłych damoŭ i adnaho ź sielskahaspadarčych pradpryjemstvaŭ u Vaŭkavyskim rajonie.
Było zadziejničana 20 adzinak techniki MNS i 54 ratavalniki.
Taksama padraździaleńni MNS vyjazdžali na raśpiłoŭku i prybirańnie dreŭ u Bresckaj vobłaści (3) i Minsku (3).