Azierbajdžan i Armienija apublikavali prajekt mirnaj damovy pamiž dźviuma krainami

Ministerstvy zamiežnych spraŭ Azierbajdžana i Armienii pradstavili prajekt pahadnieńnia, jaki składajecca z 17 punktaŭ. Dla ŭstupleńnia dakumienta ŭ siłu jaho pavinny padpisać lidary abiedźviuch krain i ratyfikavać parłamienty.

Ilcham Alijeŭ, Donald Tramp i Nikoł Pašynian padčas padpisańnia mirnaj dekłaracyi ŭ Biełym domie. Fota: Andrew Harnik/Getty Images

Asnoŭnyja pałažeńni prajekta:

• Jerevan i Baku pryznajuć i pavažajuć suvierenitet, terytaryjalnuju cełasnaść, nieparušnaść mižnarodnych miežaŭ i palityčnuju niezaležnaść adzin adnaho. Mižnarodnymi ličacca miežy respublik u časy SSSR.
• Abodva baki paćviardžajuć adsutnaść terytaryjalnych pretenzij adzin da adnaho i abaviazvajucca nie vystaŭlać ich u budučyni.
• Admaŭlajucca ad užyvańnia siły, pahroz siłaj i ŭmiašańnia va ŭnutranyja spravy adnaho i druhoha.
• Paśla ratyfikacyi pahadnieńnia ŭstaloŭvajuć dypłamatyčnyja adnosiny.
• Pačynajuć pracu pa delimitacyi i demarkacyi miažy i ŭvodziać zabaronu na raźmiaščeńnie sił trecich krain uzdoŭž miažy.

Pierad publikacyjaj prajekta pahadnieńnia premjer Armienii Nikoł Pašynian patelefanavaŭ prezidentu Rasii Uładzimiru Pucinu i paviedamiŭ jamu pra vyniki sustrečy z prezidentam Azierbajdžana Ilchamam Alijevym i prezidentam ZŠA Donaldam Trampam 8 žniŭnia ŭ Biełym domie. Kreml zajaviŭ, što Rasija, maŭlaŭ, hatovaja sadziejničać kompleksnaj narmalizacyi armiana-azierbajdžanskich adnosin, u tym liku razbłakiravańniu transpartnych kamunikacyj u rehijonie.

U ZŠA Alijeŭ i Pašynian padpisali mirnuju dekłaracyju. Taksama Jerevan pahadziŭsia pradastavić ZŠA ekskluziŭnyja pravy na raźvićcio tak zvanaha Zanhiezurskaha kalidora na 99 hadoŭ — heta daroha ŭ Siunikskaj vobłaści Armienii, jakaja złučaje Azierbajdžan ź jahonym ekskłavam Nachičevańniu. Pa hetym kalidory prachodziać šmatlikija naftapravody i hazapravody, što robić jaho stratehičnym transpartnym maršrutam Paŭdniovaha Kaŭkaza.

Kamientary da artykuła