U Biełarusi paviedamili pra stvareńnie kompleksu dla prahnazavańnia atak dronaŭ

AŁS «Skanier» zajaŭlajecca jak raspracavany biełaruskaj kampanijaj InnaTech Solušns kompleks dla vyjaŭleńnia i prahnazavańnia atak bieśpiłotnikaŭ. Jon pryznačany dla achovy abjektaŭ ad nizkalotnych BPŁA, u tym liku tych, što pracujuć u režymie «radyjomaŭčańnia», paviedamlaje pres-słužba Dziaržkamvajenprama.

Sistema, jak paviedamlajecca, pracuje ŭ pasiŭnym režymie, vykarystoŭvajučy akustyčnyja datčyki, jakija fiksujuć huk vintoŭ abo ruchavikoŭ drona. Atrymanaja infarmacyja apracoŭvajecca prahramnym zabieśpiačeńniem, jakoje vyznačaje chutkaść, kurs, stanovišča ŭ prastory i prahnazuje dalejšy ruch aparata.

Skład kompleksu:

• datčyki huku (kolkaść zaležyć ad kanfihuracyi abjekta);
• punkt kiravańnia ź siervieram i płanšetam dla vizualizacyi i kiravańnia;
• prahramnaje zabieśpiačeńnie dla apracoŭki sihnałaŭ i kiravańnia sistemaj;
• kanały suviazi pamiž datčykami i punktam kiravańnia;akumulatary dla aŭtanomnaj pracy;
• navihacyjnaje abstalavańnie dla dakładnaha pazicyjanavańnia.

Asablivaściami kompleksu nazyvajucca takija:

• pracuje kruhłasutačna i ŭ składanych umovach nadvorja;
• nie vydaje siabie aktyŭnym vypramieńvańniem;
• padtrymlivaje roznyja farmaty kartaŭ;
• bačyć drony z ruchavikami ŭnutranaha zharańnia na adlehłaści da 1 km;
• maje vysokuju dakładnaść vyznačeńnia chutkaści i kursu;
• moža pracavać aŭtanomna abo ŭ składzie inšych sistem biaśpieki;
• pieradaje danyja pa abaronienych kanałach (vałakonna-aptyčnyja abo radyjo).

Zajaŭlajecca, što «Skanier» źjaŭlajecca efiektyŭnym srodkam pasiŭnaha kantrolu i prahnazavańnia dziejańniaŭ BPŁA, što dazvalaje pavysić biaśpieku stratehičnych abjektaŭ.

Kamientary da artykuła