Niekalki śviedkaŭ kažuć, što bieśpiłotnikaŭ na Minsk lacieła dva
Pra heta kažuć ludzi, jakija śćviardžajuć, što čuli ich nad Barysavam, Bierazinom i Klimavičami.
Novyja śviedčańni vidavočcaŭ nie tolki dadajuć bolš detalaŭ adnosna maršrutu pralotu nad Biełaruśsiu bieśpiłotnika, jaki nočču 29 lipienia raźbiŭsia ŭ minskim mikrarajonie Dambroŭka, ale i naradžajuć viersiju pra toje, što lacieŭ jon nie adzin.
My ŭžo pisali, što adpaviedna śviedčańniam ludziej dron lacieŭ da stalicy Biełarusi z paŭnočnaha ŭschodu. Jaho palot nazirali nad Barysavam i Mahiloŭskaj vobłaściu. Ciapier ža źjavilisia novyja śviedčańni.
Kamientatary śćviardžajuć, što bieśpiłotnik pralataŭ nad starym horadam i Zaliniejnym rajonam, pryvatnym siektaram u rajonie vulicy Pracy, a taksama vulicaj Ardžanikidze.
Pry hetym, jak vynikaje sa słoŭ vidavočcaŭ, bieśpiłotnikaŭ mahło być dva.
Tak, adna z žančyna, jakaja ŭ momant pralotu znachodziłasia ŭ balnicy horada Barysava, źviartaje ŭvahu na dva charakternyja huki, jaki jana čuła ź intervałam prykładna ŭ siem chvilin:
«Siońnia nočču było dva takija huki pierad samaj navalnicaj. Pryblizna ŭ hadzinu sorak. Naša balnica ŭ Barysavie kala lesu, i dakładna pad voknami nie moža jechać mapied. Huk byŭ adzin raz vielmi mocny chutkasny, druhi praz chvilin z 7 i mienš byŭ čuvać. U našaj pałacie čuła nie adna ja. «Kryłaty mapied, ci što?» — tak my padumali».
Inšy žychar Barysava zapeŭnivaje, što sam bačyŭ nad svaim domam pa vulicy Hiercena ŭ Barysavie «dźvie štuki».
Kali vieryć kamientataram, to dva bieśpiłotniki bačyli i nad Bierazinom prykładna ŭ 1.20 i 1.27.
Fakt pralotu nad hetym horadam paćviardžaje jašče adzin kamientatar, jaki ŭ hety čas znachodziŭsia na stajancy kala trasy M4. «Dumali, mapied, ale śviatła far nie było», — dzielicca vidavočca.
Paćviardžajecca i toje, što bieśpiłotnik lacieŭ spačatku praz Mahiloŭskuju vobłaść.
Śviedka piša, što «huk mapieda» byŭ čuvać u Klimavickim rajonie Mahiloŭskaj vobłaści kala 12 hadzin nočy. «Nie fakt, što lacieŭ adzin. Lacieŭ u bok Kaściukovič».
Infarmacyju pra pralot kala 12 nočy nad Klimavickim rajonam paćviardžaje inšy kamientatar.
Nahadajem, što SK apublikavaŭ videazapis momantu padzieńnia bieśpiłotnika ŭ Minsku. Na abłomkach pakazali ŭkrainskija nadpisy.
SK śćviardžaje, što ŭ bieśpiłotnika była bajavaja častka, zapoŭnienaja traciłam i vialikaj kolkaściu paražalnych elemientaŭ.
U paviedamleńni SK havorycca: «Na miescy zdareńnia pracavała śledča-apieratyŭnaja hrupa. Śledčymi z pryciahnieńniem śpiecyjalistaŭ DKSE i sapioraŭ praviedzieny ahlad, zafiksavana śledčaja karcina. Vyniatyja frahmienty korpusa i kryłaŭ BPŁA, ruchavik, prybory navihacyi i bajavaja častka, asnaščanaja tratyłam i vialikaj kolkaściu paražalnych elemientaŭ u vyhladzie mietaličnych šarykaŭ», — havorycca ŭ paviedamleńni SK.
«U vyniku zdareńnia paciarpiełych niama, evakuacyja žycharoŭ nie pravodziłasia».
Na videa SK bačnyja ŭkrainskija nadpisy, u pryvatnaści, łahatyp zavoda Uavionix.
Incydent adbyŭsia 29 lipienia kala 2:00. Bieśpiłotnik, jak śćviardžajuć vidavočcy, urezaŭsia ŭ dom, paśla čaho ŭpaŭ na pryparkavany aŭtamabil i vybuchnuŭ.
Na videa, jakoje jość u redakcyi «Lusterka», možna zaŭvažyć načny dvor doma № 72 pa vulicy Matusieviča. U roliku čuvać šum, padobny da huku mapieda, paśla čaho čuvać mocny vybuch. Paśla hetaha na ziamlu padajuć abłomki, a pobač z pryparkavanymi aŭto źziajuć iskry pad sieryju hukaŭ udaraŭ i vybuchaŭ.
«Milicyja pryjechała tolki praz 25 chvilin, paśla čaho ŭsich razahnali, — raspaviali vidavočcy. — Usie pračnulisia ad hetaha praniźlivaha huku, noč atrymałasia žachlivaj».
U dvary hetaha doma znachodzicca dziciačy sad № 12.
Paśla publikacyj u niezaležnych miedyja adreahavała i Ministerstva abarony. Jano zajaviła, što bieśpiłotnik byŭ padaŭleny srodkami radyjoelektronnaj baraćby.
«Dziažurnymi siłami SPA kala 2 hadzin nočy 29 lipienia ŭ pavietranaj prastory Respubliki Biełaruś byŭ znojdzieny i spynieny palot nieapaznanaj pavietranaj celi — parušalnika paradku vykarystańnia pavietranaj prastory, identyfikavanaj jak BŁA. U vyniku ŭździejańnia na jaho srodkaŭ radyjoelektronnaj baraćby 02.33 BŁA ŭpaŭ u rajonie doma 72 pa vuł. Matusieviča h. Minska».
Paciarpiełych niama.
Tearetyčna ŭkrainskija bieśpiłotniki, jak i rasijskija, mohuć źbivacca z kursu i zalatać u Biełaruś. Ale na praktycy raniej heta zdarałasia pieravažna z rasijskimi BPŁA pad uździejańniem ukrainskich sistem radyjoelektronnaj baraćby.
Mahčymyja i spłanavanyja pravakacyi, kali adzin z bakoŭ vykarystoŭvaje bieśpiłotniki, padroblenyja pad čužyja vyraby.
Sapraŭdnaść abłomkaŭ bieśpiłotnika, videa jakich apublikavaŭ Śledčy kamitet Biełarusi, niezaležna pravieryć niemahčyma, bo na hety momant niama inšych videa ci fota ź miesca padziei. Mahčyma, ich i nie budzie. «Lusterka» paviedamlała, što milicyja nočču ačapiła miesca padzieńnia. A pravaabaroncy «Viasny» paviedamili, što AMAP pravodzić zatrymańni kala doma, dzie bieśpiłotnik upaŭ.
Ciapier čytajuć
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?1
Kamientary
Poetomu, krasaucy vsiech mastiej mohut vydochnuť i prodołžať zanimaťsia pribylnym diełom - rieprieśsijami biełarusov.