Minhandlu cikavicca, ci možna dazvolić prodaž piva na trybunach padčas spartyŭnych spabornictvaŭ
Ministerstva antymanapolnaha rehulavańnia i handlu (MARH) vyrašyła daviedacca mierkavańnie hramadzian: ci dapuščalna pradavać piva i słabaałkaholnyja napoi na trybunach padčas spartyŭnych padziej, naprykład, na «Minsk-Arenie» padčas chakiejnych matčaŭ.
AP Photo Nam Y Huh
Havorka idzie nie pra bufiety ŭ chole, a mienavita pra toje, kab možna było nabyć ałkaholny napoj i hladzieć matč, nie adychodziačy ad svajho miesca. Zaraz heta zabaroniena.
Voś jak sfarmulavanaje pytańnie ŭ aficyjnym apytańni MARH:
«Ci ličycie Vy mahčymym dazvolić prodaž piva i słabaałkaholnych napojaŭ na trybunach padčas praviadzieńnia masavych spartyŭnych mierapryjemstvaŭ?»
Prapanujecca čatyry varyjanty adkazu: varta dazvolić, dazvalać nielha, treba dać prava na pryniaćcie rašeńnia arhanizataru mierapryjemstva, nie hatovy adkazać